Një automjet ushtarak turk u sulmua sot derisa Turqia dhe Rusia mbajtën patrullën e tyre të 25-të të përbashkët në veriperëndim të Sirisë, bëri të ditur Ministria e Mbrojtjes Kombëtare e Turqisë.

“Një prej automjeteve tona u dëmtua lehtë në sulmin e kryer nga terroristët gjatë patrullimit përgjatë autostradës kryesore M4 të provincës së qetë Idlib”, tha ministria në Twitter.

Një operacion kundër terroristëve në rajon po vazhdon, shtoi ministria.

Autostrada M4, e njohur edhe si rruga Halep-Al Hasakah, është rreth 30 kilometra nga kufiri jugor i Turqisë.

Grupi terrorist nuk u emërtua në deklaratë, por YPG/PKK ka qenë aktiv këtë në rajon.

Në fushatën e tij mbi 30 vjeçare terroriste kundër Turqisë, PKK e radhitur si një organizatë terroriste nga Turqia, SHBA dhe BE, ka qenë përgjegjëse për vdekjen e 40.000 njerëzve, përfshirë gra, fëmijë dhe foshnje. YPG është nëndega siriane e PKK-së.

Në muajin mars, Ankaraja dhe Moska u dakorduan për një protokoll që u kërkonte palëve të “pushonin të gjitha veprimet ushtarake përgjatë vijës së kontaktit në zonën e de-eskalimit të Idlibit”.

AA