Përfshihet nga flakët banesa në Kavajë, humb jetën 85 vjeçari

Një 85 vjeçar humbi jetën këtë të shtunë, në Golem, kur banesa e tij u përfshi nga flakët.

Policia bën me dije se kanë nisur hetimet për zbardhjen e rrethanave të ngjarjes.

Kavajë/Informacion paraprak

Më datë 30.01.2021, rreth orës 07:20, në Golem, Kavajë, ka rënë zjarr në banesën e shtetasit L.K. Si pasojë e zjarrit ka humbur jetën shtetasi L. K., 85 vjeç.

Grupi hetimor dhe sherbimet e Policisë ndodhen në vendngjarje dhe vijojnë punën për zbardhjen e rrethanave të ngjarjes.