Bangladesh, rrufetë vrasin 74 njerëz
Të paktën 74 njerëz, përfshirë 35 fermerë, u vranë nga goditjet e rrufesë gjatë 38 ditëve të fundit në të gjithë Bangladeshin deri më 8 maj. Ekspertët thanë se ndikimi i ndryshimeve klimatike ishte arsyeja kryesore e incidenteve të tilla.
Kancelari gjerman: Do të mbrojmë çdo centimetër katror të territorit të NATO-s
Kancelari gjerman Olaf Scholz paralajmëroi Rusinë kundër çdo lëvizjeje ushtarake drejt shteteve baltike dhe theksoi se NATO është e vendosur të mbrojë të gjithë aleatët, raporton Anadolu.
“Ne do të mbrojmë çdo centimetër katror të territorit aleat, këtë e bëra të qartë gjatë vizitës sime në shtetet baltike një ditë më parë, dhe dua ta përsëris sot”, tha Scholz në një konferencë të përbashkët shtypi me presidentin e Finlandës Alexander Stubb.
Asambleja e Përgjithshme e OKB-së miratoi rezolutën për rivlerësimin e përpjekjes së Palestinës për anëtarësim
Asambleja e Përgjithshme e OKB-së miratoi me shumicë dërrmuese një rezolutë që bën thirrje për rivlerësimin e përpjekjes së Palestinës për anëtarësim në OKB dhe dhënien e të drejtave shtesë, raporton Anadolu.Rezoluta, e cila në emër të Grupit Arab u drejtua nga Emiratet e Bashkuara Arabe, u miratua me konsensus dërrmues me 143 shtete anëtare që votuan pro, 9 kundër dhe 25 abstenime.E bashkë-sponsorizuar nga Türkiye së bashku me afro 80 shtete anëtare, rezoluta shprehu "keqardhje dhe shqetësim të thellë" për veton e SHBA-së në Këshillin e Sigurimit të OKB-së më 18 prill.
Itali/ U njoftua se do dëbohej nga shtëpia, shqiptari i vë flakën vetes, gruaja në gjendje shoku në spital
Një 47-vjeçar shqiptar i ka vënë flakën vetes me benzinë në Milano të Italisë. Pasditen e së martës (7 maj), ai i ka vënë flakën vetes përballë gruas dhe disa kalimtarëve në qendër të Riçiones pasi u njoftua se do dëbohej nga shtëpia.
Ai është shtruar në spitalin Bufalini në Cesena në gjendje shumë të rëndë ndërsa mësohet se ka pësuar djegie në 70% të trupit. Bashkëshortja e tij, me origjinë rumune, ndodhet po ashtu e shtruar në spital në gjendje shoku.
Qeveria e Netaniahut e zemëruar me SHBA-të/“Pauza e SHBA-së në transferimin e armëve mund të dëmtojë operacionet e Izraelit në Gaza”
Sipas një zyrtari të lartë izraelit, pauza e SHBA-së në dërgesat e armëve mund të ndryshojë planet operacionale të Izraelit në Rripit e Gazës, transmeton Anadolu.“Deklarata e presidentit të SHBA-së, Joe Biden, në lidhje me vonesën e dërgesave të armëve në Izrael, do të dëmtojë planet operacionale në luftë”, citoi transmetuesi publik izraelit KAN një zyrtar të lartë izraelit. “Izraeli mund të detyrohet të racionalizojë përdorimin e armëve”, ka shtuar ai, pa dhënë detaje.Dje në një intervistë për CNN, Biden tha se ai ndaloi dërgesat e armëve në Izrael për shkak të ofensivës izraelite në Rafah, ku rreth 1.5 milion palestinezë të zhvendosur janë strehuar nga lufta e vazhdueshme e Izraelit në Rripin e Gazës.