“Mora hak ndaj mësuesve”/ Aktori turk blen shkollën e tij të fillores dhe e shkatërron
Saturday, 04 May 2024 13:04
Aktori i njohur turk Caglar Ertugrul ka pushtuar mediat në vendlindje, me veprimin më të fundit që i ka lënë të gjithë të shokuar.Nëpërmjet një postimi në rrjetin social Instagram ku pozon para një grumbulli rrënojash, ai rrëfen se ka blerë dhe më pas shkatërruar shkollën e tij të fëmijërisë. Në postimin që ka shkaktuar një stuhi reagimesh në rrjetet sociale, Ertugrul thotë se për veprimin e tij motiv ishte hakmarrja për “drurin që kishte ngrënë” nga mësuesit në fëmijëri. Ai shprehet se është hakmarrë për shkollën që e ka traumatizuar mendërisht dhe fizikisht gjatë fëmijërisë, ndërsa një lum komentesh ku kritikohet për veprimin ka vërshuar në postim. Madje veprimet e tij janë cilësuar si destruktive dhe antiturke.
