Spanja i kërkon BE-së masa për t’i dhënë fund gjenocidit në Gaza
Kryeministri i Spanjës i bëri thirrje të mërkurën Komisionit Evropian të ndërmarrë hapa për të mbrojtur pavarësinë e Gjykatës Ndërkombëtare Penale dhe të OKB-së, si dhe veprimet e tyre për t’i dhënë fund gjenocidit në Gaza.
“Ne i kërkojmë Komisionit të aktivizojë Instrumentin Kundër Shtrëngimit, për të mbrojtur pavarësinë e Gjykatës Ndërkombëtare Penale dhe të Kombeve të Bashkuara, si dhe veprimet e tyre për t’i dhënë fund gjenocidit në Gaza”, tha Pedro Sanchez në kompaninë amerikane të mediave sociale X.
Ai tha se Spanja “nuk do të bëjë sikur s’bën sikur nuk e sheh më” dhe paralajmëroi se sanksionimi i atyre që mbrojnë drejtësinë ndërkombëtare e vë në rrezik sistemin e të drejtave të njeriut.
BE-ja nuk mund të mbetet një spektatore “përballë këtij persekutimi”, shtoi ai.
Ushtria izraelite ka vrarë më shumë se 72,600 njerëz, shumica prej tyre gra dhe fëmijë, dhe ka plagosur mbi 172,000 të tjerë në një sulm vdekjeprurës në Gaza që nga tetori i vitit 2023, sipas Ministrisë së Shëndetësisë së Gazës.