Skandali i AKSHI-t merr kthesë ndërkombëtare: Ermal Beqiraj arrestohet në Francë pas fluturimit mbi centralin bërthamor

Wednesday, 29 July 2026 10:15

• Written by Mexhlis

Biznesmeni shqiptar Ermal Beqiraj, i shpallur në kërkim nga SPAK si një nga personat kyç të dosjes së bujshme të AKSHI-t, është arrestuar në Francë pas një incidenti të pazakontë pranë centralit bërthamor të Penly. Lajmi është raportuar nga mediat franceze dhe shqiptare, ndërsa autoritetet franceze nuk kanë ngritur deri tani akuza për spiunazh.

Sipas raportimit të Le Journal du Dimanche (JDD), Beqiraj po pilotonte një avion të lehtë civil kur fluturoi mbi centralin bërthamor të Penly në Normandi, duke zbritur nën lartësinë minimale të lejuar për këtë zonë të mbrojtur. Pas alarmit, Forcat Ajrore Franceze e shoqëruan avionin deri në aeroportin e Albert, ku ai u ndalua nga policia për t'u marrë në pyetje.

Read more ...

DASH jep alarmin/ Raporti i Sigurisë për Shqipërinë: Krimi dhe korrupsioni janë shtuar, pandëshkueshmëria mbetet problem serioz

Tuesday, 28 July 2026 16:45

• Written by Mexhlis

Raporti i Sigurisë për Shqipërinë i publikuar nga Overseas Security Advisory Council (OSAC), një strukturë e Departamentit Amerikan të Shtetit që harton vlerësime të sigurisë për qytetarët dhe bizneset amerikane jashtë vendit, sjell për herë të parë një referencë të drejtpërdrejtë për ishullin e Sazanit, duke e lidhur atë me një nga zhvillimet më të rëndësishme të vitit 2026 në Shqipëri. Në raport thuhet se protestat kundër projektit të planifikuar të resortit turistik në Sazan nisën si demonstrata me karakter mjedisor, por më pas morën përmasa kombëtare dhe u shndërruan në protesta kundër korrupsionit qeveritar.

Read more ...

Tragjedia e Roskovecit, jo vetëm histori xhelozie? Hetuesit përballë misterit të parave dhe dëshmisë së ish-partneres

Sunday, 26 July 2026 17:42

• Written by Mexhlis

Ngjarja që tronditi Roskovecin vijon të ngrejë më shumë pikëpyetje sesa përgjigje. Pas mbi dhjetë orësh negociata me Policinë dhe forcat RENEA, bilanci i tragjedisë ishte fatal: dy viktima, një pengmarrje dhe më pas vetëvrasja e autorit të dyshuar, Refit Buzi.

Ndërkohë, dëshmia e ish-partneres së tij ka hedhur dritë mbi momentet dramatike që përjetoi gjatë orëve kur u mbajt peng. Sipas saj, 35-vjeçari e kishte kërcënuar vazhdimisht me armë dhe nuk e lejonte të largohej, duke e mbajtur nën presion të vazhdueshëm psikologjik. Vetëm pas negociatave të gjata ai pranoi ta lironte, ndërsa ajo u dërgua në spital për shkak të gjendjes së rënduar emocionale.

Read more ...

Padia kundër Ols Dados/ Gjykata Administrative rrëzon Erion Veliajn, avokati: Vendimi pritej, do shkojmë në Apel

Friday, 24 July 2026 11:27

• Written by Mexhlis

Gjykata Administrative ka rrëzuar kërkesën e kryebashkiakut të arrestuar Erion Veliaj ditën e sotme për pavlefshmërinë e Olsi Dados si Prokuror. Mësohet se Administrativa nuk ka nisur shqyrtimin e çështjes së ngritur nga Veliaj, duke bërë që padia të rrëzohet automatikisht.

Sipas vendimit të gjyqtarit Hazbi Balliu, gjykata ka vlerësuar se Erion Veliaj ka interes të tërthortë dhe jo interes të drejtpërdrejtë në këtë çështje. Kryebashkiaku i Tiranës, Erion Veliaj ka depozituar me 23 janar të vitit 2026 në Gjykatën Administrative të Shkallës së Parë Tiranë, një kërkesë-padi kundër institucionit të Presidentit të Republikës së Shqipërisë të vitit 2007-2012 dhe prokurorit të Posaçëm, Olsi Dado. Në këtë kërkesë, Veliaj ka kërkuar konstatimin e pavlefshmërisë absolute të dekretit të emërimit të këtij të fundit si prokuror nga noter që ishte në vitin 2008.

Read more ...