Shtetet e Bashkuara kanë reaguar pas deklaratave të presidentit serb Aleksandar Vuçiq për mundësinë që Serbia të shqyrtojë ndryshimin e rrjedhës së lumit Ibër. Departamenti amerikan i Shtetit theksoi se paqja dhe stabiliteti në Ballkanin Perëndimor mbeten prioritete të SHBA-së, duke e lidhur drejtpërdrejt këtë objektiv me normalizimin e marrëdhënieve mes Kosovës dhe Serbisë.
Ngërçi për konstituimin e Kuvendit të Kosovës ka kaluar tashmë edhe në planin kushtetues. Katërmbëdhjetë organizata të shoqërisë civile i janë drejtuar Gjykatës Kushtetuese, duke kërkuar sqarim dhe veprim lidhur me zbatimin e afatit për përfundimin e procesit të konstituimit të Kuvendit. Organizatat argumentojnë se rezultatet e zgjedhjeve u certifikuan më 8 korrik dhe se, sipas interpretimit të tyre, afati 30-ditor për konstituimin e Kuvendit përfundoi më 7 gusht, pa u zgjedhur të gjitha organet drejtuese të legjislativit.
Presidenti i Serbisë, Aleksandar Vuçiq, ka ashpërsuar retorikën ndaj KFOR-it pas nisjes së reduktimit gradual të pranisë së përhershme të forcave ndërkombëtare në Urën e Ibrit në Mitrovicë. Vuçiq deklaroi se shefi i Shtabit të Përgjithshëm të Ushtrisë serbe, Milan Mojsiloviq, zhvilloi me komandantin e KFOR-it, gjeneralmajor Özkan Ulutaş, atë që ai e cilësoi si “ndoshta bisedën më të keqe deri më tani” mes tyre. Sipas versionit të presidentit serb, përplasja lidhej veçanërisht me rolin që Policia e Kosovës do të ketë në zonën e urës ndërsa KFOR-i redukton praninë e përhershme.
Tensionet politike në Kosovë u përshkallëzuan këtë të mërkurë në Kuvend, ku përplasja për vazhdimin e seancës konstituive kaloi nga debatet e forta verbale në incidente fizike mes deputetëve, ndërsa Donika Gërvalla solli një interpretim të ri për afatin e konstituimit të institucionit.
Një gjykatë siriane ka dënuar këtë të martë me vdekje në mungesë ish-presidentin Bashar al-Assad dhe vëllain e tij, Maher al-Assad, për krime kundër njerëzimit dhe krime lufte gjatë konfliktit 14-vjeçar në Siri.
Në të njëjtin proces me vdekje u dënua edhe kushëriri i tyre, Atef Najib, i cili ishte i pranishëm në gjykatë. Najib u shpall fajtor për drejtimin e shtypjes së protestave në provincën Daraa në vitin 2011, ngjarje që shënuan fillimin e kryengritjes dhe më pas të luftës civile.
