A synon Israeli përshkallëzimin e mëtejshëm të konfliktit?/Ushtria izraelite hedh broshura "paralajmëruese" nga ajri për banorët e rajonit kufitar në Liban
Avionët e ushtrisë izraelite lëshuan "broshura që paralajmëronin për Hezbollahun" për civilët që jetonin në rajonet kufitare në jug të Libanit, transmeton Anadolu.Sipas lajmit të agjencisë zyrtare të Libanit NNA, avionë pa pilot (UAV) të ushtrisë izraelite shkelën hapësirën ajrore libaneze dhe hodhën broshura mbi banorët e vendbanimit Vazzani në rajonin kufitar. Broshura, drejtuar atyre që jetojnë në jug të vendit, përfshinte deklaratën: "Hezbollahu vë në rrezik jetën tuaj dhe jetën e familjeve tuaja. Armët dhe anëtarët e Hezbollahut po hyjnë në zonat tuaja të banuara".
Ushtria izraelite ka lëshuar broshura paralajmëruese mbi popullin libanez për herë të dytë që nga përleshjet me Lëvizjen Hezbollah në rajonin kufitar në jug të Libanit që nga 8 tetori 2023.
Në përleshjet midis ushtrisë izraelite dhe Hezbollahut që nga 8 tetori 2023, u vranë 239 anëtarë të Hezbollahut, 49 civilë libanezë, 11 të Lëvizjes Amal, 12 të Hamasit, 12 anëtarë të Xhihadit Islamik, 6 civilë izraelitë dhe 11 ushtarë./Nga AA