Gjermania drejt kthesës së madhe?/ AfD: Mbyllim kufijtë, dalim nga Schengeni
Wednesday, 26 August 2026 18:00
Alternativa për Gjermaninë (AfD) po sinjalizon një ndryshim radikal të kursit gjerman nëse arrin në pushtet. Bashkëkryetarja Alice Weidel deklaroi në intervistën verore të ZDF se partia synon mbylljen e kufijve, daljen e Gjermanisë nga Schengeni dhe largimin nga euro, duke argumentuar se politikat aktuale të emigracionit rrezikojnë sigurinë dhe se monedha e përbashkët ka dëmtuar ekonominë gjermane.
Weidel kërkon gjithashtu më shumë dëbime dhe më pak natyralizime, përfshirë kthimin e shtetasve sirianë. Deklaratat marrin peshë të veçantë pasi AfD është aktualisht forca e parë në Politbarometrin e ZDF me 27%, përpara CDU/CSU me 22%, ndërsa në Saksoni-Anhalt sondazhet e vendosin rreth 41% përpara zgjedhjeve të 6 shtatorit.