Komplot për vrasjen e djalit të Netanyahut/ Yair u evakua fshehurazi nga Miami pas alarmit për agjentë iranianë
Yair Netanyahu, djali i kryeministrit izraelit Benjamin Netanyahu, raportohet se është larguar me urgjencë dhe në fshehtësi nga Miami drejt Izraelit, pasi inteligjenca izraelite dyshohet se zbuloi një komplot të mbështetur nga Irani për vrasjen e tij.
Sipas një raportimi të Newsmax, që citon një burim amerikan të zbatimit të ligjit të njohur me çështjen, shërbimet izraelite mësuan për planin në dhjetor 2025. Në raport pretendohet se agjentë iranianë ndodheshin në Miami dhe po monitoronin rezidencën dhe lëvizjet e Yair Netanyahut.
Pas informacionit, Izraeli thuhet se paralajmëroi autoritetet amerikane dhe Yair Netanyahu mori urdhër të largohej menjëherë nga Miami. Sipas raportit, largimi ishte aq i shpejtë sa ai u kthye në Izrael pa marrë sendet personale.
Pretendimet marrin peshë edhe nga deklarata e Benjamin Netanyahut më 24 gusht për Channel 14, kur kryeministri izraelit tha se njëri prej djemve të tij ishte shënjestër e Iranit, pa dhënë publikisht hollësi të mëtejshme.