Qëlluan para qindra njerëzve duke festuar Fitër Bajramin në një park të Filadelfias Perëndimore, arrestohen 5 persona! 4 prej tyre ishin…
Pesë persona janë arrestuar, katër prej të cilëve janë të mitur, pas të shtënave të së mërkurës pasdite që në një park të Filadelfisë Perëndimore, gjatë festës së Fitër Bajramit, të mbushur me familje dhe fëmijë, thotë policia.
Të shtënat ndodhën rreth orës 14:30 në sheshin Clara Muhammad, ku rreth 1000 njerëz ishin mbledhur për festën, tha Komisioneri i Policisë së Filadelfias, Kevin Bethel gjatë një konference për shtyp.
Një grua i tha një stacioni televiziv lokal se familje, fëmijë dhe të moshuar ishin të pranishëm për Fitër Bajramin, një festë fetare islame që shënon fundin e muajit të shenjtë të Ramazanit. Karriget e lëndinës, tavolinat e piknikut dhe lodrat u vendosën dhe familjet u veshin më së miri për festë. Fëmijët vraponin në këndin e lojërave ndërsa prindërit bisedonin me miqtë. Më pas erdhi zhurma e të shtënave, duke shkaktuar panik dhe kaos të përhapur, ndërsa njerëzit u ulën për të shmangur plumbat dhe familjet nxituan të kapnin të dashurit e tyre dhe të shpëtonin.
Dy grupe që ishin në park filluan të shkëmbejnë të shtëna me armë, por policia nuk beson se të shtënat ishin të lidhura me festën fetare.
Një person u dërgua në spital me një plagë me armë zjarri në stomak dhe një i mitur mori një plagë me armë zjarri në dorë. Të dy janë në gjendje stabile.
Të shtënat shkaktuan tronditje në komunitetin mysliman përreth, anëtarët e të cilit thanë për CNN se ishin të dëshpëruar që një festë e një prej ditëve më të shenjta përfundoi me dhunë.
Naxhah Beu, e cila po merrte pjesë në ngjarjen aty pranë për Fitër Bajramin tha se po shijonte kohën me familjen e saj kur dëgjoi të shtëna. Të gjithë rreth saj filluan të vrapojnë, të bërtasin dhe të binin në tokë dhe ndërsa ajo vraponte, ajo kërkoi furishëm për djalin e saj, pastaj nënën, vëllezërit dhe gjyshen.
Top Channel