A po ndërhyn laicizmi francez aty ku nuk i takon?/Vatikani ankohet pasi gjykata franceze vendosi në favor të murgeshës së shkarkuar nga urdhëri fetar
Selia e Vatikanit tha të shtunën se ngriti një notë zyrtare proteste në Francë pasi një gjykatë atje vendosi se një ish-zyrtar i lartë i Vatikanit ishte përgjegjës për atë që gjykata e përcaktoi si përjashtimin e padrejtë të një murgeshe nga një urdhër fetar.
Gjykata e Lorient më 3 prill vendosi në favor të murgeshës, Sabine de la Valette, e njohur në atë kohë si Nënë Marie Ferréol. Gjykata lëshoi një denoncim të ashpër të procesit të fshehtë që Vatikani përdori për të nxjerrë jashtë rendit, Dominikanët e Shpirtit të Shenjtë, pas një hetimi të brendshëm.
Rasti është shumë i pazakontë, sepse përfshin një gjykatë civile laike që përcaktonte në thelb se procedurat kanonike të brendshme të Vatikanit shkelnin rëndë të drejtat themelore të murgeshës.
Në një deklaratë të shtunën, Vatikani tha se kishte protestuar zyrtarisht në ambasadën franceze dhe se nuk kishte marrë asnjë njoftim për ndonjë vendim të tillë, por se vendimi megjithatë përfaqësonte një "shkelje të rëndë" të së drejtës për liri fetare.
Vatikani konfirmoi se Papa Françesku kishte ngarkuar kardinalin Marc Ouellet, në atë kohë kreun e zyrës së peshkopëve të Vatikanit, të kryente një hetim që përfundoi me marrjen e një sërë masash kanunore kundër Valette, duke përfshirë dëbimin e saj në vitin 2020 pas 34 vjetësh si murgeshë e urdhlrit fetar Domenikan.
Deklarata përmendi gjithashtu çështje diplomatike të mundshme në lidhje me vendimin civil kundër Ouellet, duke pasur parasysh imunitetin e tij si kardinal dhe zyrtar i një qeverie të huaj. Selia e Vatikanit njihet ndërkombëtarisht si një shtet sovran.
Ish-avokatja e murgeshës, Adeline le Gouvello de la Porte, tha se gjykata gjeti se hetimi kanonik i Vatikanit kishte shkelur disa nga të drejtat themelore të gruas, duke përfshirë të drejtën për mbrojtje. Ajo tha se asaj nuk iu tha kurrë se për çfarë akuzohej, apo se pse po e përjashtonin nga urdhri.
Gouvello de la Porte tha se gjykata shprehu gjithashtu "befasi" që Ouellet nuk kishte hequr dorë nga çështja. Gjykata zbuloi se Ouellet kishte lidhje miqësore me një motër tjetër në komunitet "pozicionet e së cilës ishin shumë të kundërta me ato të zonjës Baudin de la Valette", tha avokati, duke cituar vendimin e gjykatës.
Gjykata e Lorient zbuloi se dëbimi i murgeshës ishte i pamerituar dhe urdhëroi Ouellet, urdhrin fetar dhe dy të dërguarit e mandatuar nga Vatikani që kryen hetimin të paguanin mbi 200,000 euro (213,000 dollarë) dëme materiale dhe morale, si dhe gjoba.
Të pandehurit po apelojnë, sipas të përditshmes katolike franceze La Croix.
Vatikani shpesh kryen hetime të tilla të brendshme për urdhrat ose dioqezat fetare, të cilat mund të nxiten nga ankesat për keqmenaxhim financiar, abuzime seksuale ose gjëra të tjera qofshin edhe probleme menaxheriale apo të administrimit. Ai i konsideron masat që merr si ekskluzivisht të brendshme për jetën e Kishës Katolike.
Si rezultat, vendimi i gjykatës Lorient përfaqësonte një ndërhyrje të pazakontë të drejtësisë laike në çështjet e brendshme të kishës. Dënimi nxori në pah se si procedurat kanonike shpesh bien ndesh me konceptet bashkëkohore laike për të drejtën për mbrojtje dhe një procedurë gjyqësore të drejtë dhe me mundësinë e apelimit.
E megjithatë, sistemi francez i drejtësisë duket gjithnjë e më i gatshëm për tu marrë edhe me zyrtarë të lartë të kishës në gjykatat laike, shumë më tepër sesa në Italinë fqinje, dhe veçanërisht në lidhje me akuzat që lidhen me sjelljet e pahijshme seksuale dhe mbulimin e imazhit klerikal.
Në vitin 2020, për shembull, një gjykatë franceze e apelit hodhi poshtë një vendim të gjykatës më të ulët që kishte dënuar kardinalin Philippe Barbarin për fshehjen e abuzimit seksual të të miturve në administrimin e tij.
Në të njëjtin vit, një gjykatë e Parisit dënoi një ambasador në pension të Vatikanit në Francë për sulm seksual ndaj pesë burrave në 2018 dhe 2019 dhe i dha atij një dënim me kusht 8 muaj burg. Vatikani atëherë kishte hequr imunitetin e ambasadorit, Imzot Luigi Ventura, duke lejuar që gjyqi të vazhdojë.
Përkthyer nga /apnews.com