Rusia filloi të tërheqë forcat paqeruajtëse nga Karabaku
Rusia ka filluar tërheqjen e paqeruajtësve të saj nga rajoni jugor i Kaukazit, Karabak.Sipas raportimit të agjencisë shtetërore të lajmeve të Azerbajxhanit (APA), forcat ruse u larguan disa ditë më parë nga territori i tempullit Khudavang në rrethin Kalbajar.
"Kështu filloi procesi i tërheqjes së kontingjentit paqeruajtës rus nga territori i Azerbajxhanit", thuhet në njoftim.Agjencia tha se tempulli aktualisht po ruhet nga forcat e Azerbajxhanit, ndërsa zyrtarët rusë ende nuk kanë komentuar mbi raportimet.
Paqeruajtësit rusë ishin vendosur si pasojë e një konflikti të vjeshtës 2020, në të cilin Azerbajxhani rifitoi pjesën më të madhe të territorit të tij të Karabakut pas pushtimit armen që zgjati gati tre dekada.
Marrëdhëniet midis Azerbajxhanit dhe Armenisë kanë mbetur të tensionuara që nga viti 1991, kur ushtria armene pushtoi Karabakun, një territor i njohur ndërkombëtarisht si pjesë e Azerbajxhanit, dhe shtatë rajone ngjitur.
Pjesa më e madhe e territorit u çlirua nga Azerbajxhani gjatë një lufte 44-ditore në vjeshtën e vitit 2020, e cila përfundoi pas një marrëveshje paqeje të ndërmjetësuar nga Rusia, gjë që gjithashtu hapi derën e normalizimit.
Shtatorin e kaluar, Azerbajxhani vendosi sovranitet të plotë në Karabakh pas një "operacioni anti-terrorist" pas të cilit forcat separatiste në rajon u dorëzuan./Nga AA