Ekipi izraelit i Eurovizion akuzon garuesit e tjerë për “urrejtje të paprecedentë”
Friday, 17 May 2024 18:37
Delegacioni izraelit në Eurovizionin e këtij viti u përball me një “shfaqje të paprecedentë të urrejtjes” nga garuesit nga vendet e tjera, sipas shërbimit publik lokal.
Eurovizioni, finalja e të cilit u mbajt më 11 maj, u la në hije nga protestat e ashpra për pjesëmarrjen e përfaqësuesit izraelit Eden Golan, i cili, sipas shumë njerëzve, duhej të ishte ndaluar të merrte pjesë, për shkak të luftës aktuale në Gaza.
Në një deklaratë zyrtare për BBC, përfaqësuesi i shërbimit publik “Khan” akuzoi vendet e tjera për “sjellje anti-izraelite”.
“Këtë vit, delegacioni izraelit u përball me një presion të madh dhe një shfaqje të paprecedentë të urrejtjes, veçanërisht nga delegacionet dhe interpretuesit e tjerë, publikisht dhe kolektivisht, vetëm për faktin e thjeshtë se ne jemi nga Izraeli dhe se jemi të pranishëm”, thuhet në deklaratë./Nga EN