Hyn në fuqi ligji i ri i mobilizimit ushtarak, Ukraina mobilizim ushtarak masiv kundër ofensivës ruse
Ligji përçarës i mobilizimit në Ukrainë hyri në fuqi të shtunën, në një kohë kur Kievi përpiqet të rrisë numrin e trupave, pasi Rusia ndërmori një ofensivë të re që mund të çojë në rënien e qytetit të dytë më të madh të Ukrainës.
Por për disa analistë, bëhet fjalë për shuma që vendi nuk mund t’i përballojë.
Ndërkohë, sulmet ruse plagosën 6 persona, përfshirë 3 fëmijë të shtunën në Kharkiv. Një sulm ajror goditi lulishte e shtëpisë së një familjeje, ku po luanin dy fëmijë, të cilët janë dërguar në spital. Pamjet nga vendngjarja tregonin babain e të miturve që mjekohej në një ambulancë.
“Thjesht dëgjoja shpërthime gjatë gjithë kohës”, deklaroi Zina Kostenko, banesa e të cilës u dëmtua nga sulmet.
Grupe nga shërbimi ukrainas i emergjencave dhe policia vendase evakuuan ndërkohë banorë të një vendbanimi pranë kufirit, pasi forcat ruse avancuan ofensivën e tyre të shtunën më 18 maj. Rreth 2.500 persona u evakuuan nga Vovçansku, nga rreth 10 mijë të prekur nga luftimet në rajonin e Kharakivit./EN