Rusia: Atentatet ndaj presidentëve dhe kandidatëve presidenciale “traditë” në jetën politike të SHBA-së
Duke iu referuar atentatit për vrasjen e ish-presidentit Donald Trump në një tubim të fushatës në Pensilvani, Rusia ka deklaruar se atentatet ndaj presidentëve dhe kandidatëve për president janë kthyer në një traditë “traditë” në jetën politike të SHBA-së, transmeton Anadolu.
Zëdhënësja e Ministrisë së Punëve të Jashtme të Rusisë, Maria Zakharova, pohoi se presidenti amerikan, Joe Biden, në një deklaratë ka pranuar se atentatet ndaj presidentëve, kandidatëve, figurave të shquara dhe personaliteteve politike janë një manifestim i dhimbshëm i jetën politike të brendshme të SHBA-së. Por, shtoi ajo, Biden duhet të kishte thënë se “ky nuk është vetëm një manifestim i dhimbshëm i jetës politike të brendshme të SHBA-së, por edhe një traditë”.
“Dy muaj më parë, i kushtova vëmendje faktit se SHBA-ja fjalë për fjalë po nxiste urrejtje ndaj kundërshtarëve politik, si dhe dha shembuj të traditës amerikane të atentateve dhe vrasjeve të presidentëve dhe kandidatëve për president”, tha Zakharova.
Pas të shtënave fatale, Trump u plagos në veshin e djathtë, por është mirë, me Byronë Federale të Hetimit (FBI) që më vonë lëshoi një deklaratë duke identifikuar sulmuesin e dyshuar si Thomas Matthew Crooks.
Shërbimi Sekret tha se sulmuesi qëlloi disa të shtëna drejt skenës nga një pozicioni i ngritur jashtë vendit të ngjarjes. Përveç sulmuesit, një spektator mbeti i vdekur dhe dy të tjerë u plagosën rëndë.
Incidenti ndodhi vetëm disa ditë para se Trump të nominohej kandidat presidencial republikan për zgjedhjet e nëntorit të vitit 2024./AA