Musk: Tesla do të fillojë të përdorë robotë humanoidë në vitin 2025
Prodhuesi global amerikan i makinave elektrike Tesla do të fillojë të përdorë robotë humanoidë vitin e ardhshëm, tha të hënën shefi ekzekutiv i kompanisë, Elon Musk.“Tesla do të ketë robotë humanoidë vërtet të dobishëm në prodhim të ulët për përdorim të brendshëm të Tesla-s vitin e ardhshëm dhe shpresojmë se do të ketë prodhim të lartë për kompanitë e tjera në vitin 2026”, shkroi Musk në platformën X.Roboti humanoid i Tesla-s i quajtur Optimus u prezantua për herë të parë në shtator 2022, i cili më pas quhej Bumblebee.
Vitin e kaluar, kompania prezantoi Optimus Gen 2 si një gjeneratë të re të robotit të saj humanoid.
Musk tha në fillim të këtij viti se ai beson se Optimus do të përdoret për të kryer detyra të botës reale brenda fabrikave të Teslas deri në fund të këtij viti.
Ndërsa Tesla synon të përdorë robotë humanoidë për të kryer detyra të përsëritura dhe të rrezikshme në fabrika, konsumatorët amerikanë përfundimisht mund t'i përdorin ato për qëllime komerciale në shtëpitë e tyre, thonë ekspertët./TRT Balkan / agjencitë