Elon Musk: Kancelari i Gjermanisë është budalla!
Miliarderi Elon Musk, themeluesi i Tesla dhe SpaceX, ka komentuar ashpër në rrjetin social X (ish-Twitter) ndaj kancelarit gjerman Olaf Scholz, duke e quajtur atë "budalla" pas shpërbërjes së koalicionit të tij tre-partiak. Musk shkroi në gjermanisht: "Olaf ist ein Narr," që përkthehet: "Olaf është një budalla."
Kjo deklaratë erdhi si reagim ndaj një postimi që raportonte rënien e qeverisë "socialiste" të Gjermanisë. Më vonë, Musk konfirmoi qëndrimin e tij për ta konsideruar Scholz "budalla."
Miliarderi 53-vjeçar, i njohur për qëndrimet e tij të ndryshme politike, ka mbështetur fuqimisht Donald Trumpin në përpjekjen e tij për t'u rikthyer në Shtëpinë e Bardhë. Vitet e fundit, Musk është zhvendosur drejt qëndrimeve më të djathta politike./JOQ