Informatori sirian "Cezar", që ekspozoi k.rimet e regjimit të Asadit, zbulon identitetin e tij
Informatori sirian i njohur si “Cezar”, i cili zbuloi mijëra fotografi që dokumentonin torturat dhe vrasjet masive në burgjet e Sirisë gjatë kohës së regjimit të rrëzuar sirian, ka zbuluar për herë të parë identitetin e tij..
Ai tregoi se si zbuloi dokumentet që ekspozonin torturat dhe vrasjet në burgjet e regjimit të Bashar Asadit, të cilin opozita siriane e rrëzoi më 8 dhjetor. Në një intervistë me Al Jazeeran, Fared al-Madh’an, ish-oficer në policinë ushtarake siriane, konfirmoi se ai ishte njeriu pas rrjedhjes më të madhe të provave që implikonin regjimin e Asadit në krimet e luftës.
Me origjinë nga Daraa, ai punoi si shef i departamentit të provave mjeko-ligjore në Damask, ku mblodhi dhe kontrabandoi fshehurazi mijëra imazhe të të burgosurve që vdiqën nën tortura.
Al-Madh’an shpjegoi se kishte kontrabanduar fotografitë në “karta memorie të fshehura brenda rrobave të tij dhe copa buke për të shmangur zbulimin”.
Ai shtoi se ai përdori si “një ID zyrtare ushtarake dhe një ID të falsifikuar civile për të udhëtuar midis vendit të tij të punës në Damask dhe shtëpisë së tij në Al-Tall”.
“Operacioni i kontrabandës ndodhte pothuajse çdo ditë”, sipas tij, duke transferuar fotografitë nga zyra e tij në Damask në rezidencën e tij./AA