Putin pritet të shpallë fitoren ndaj Ukrainës më 24 shkurt
Saturday, 22 February 2025 21:58
Presidenti i Rusisë Vladimir Putin po planifikon të shpallë fitoren ndaj Ukrainës dhe NATO-s më 24 shkurt 2025, kur bëhet edhe trevjetori i nisjes së sulmit rus!
Lajmi është transmetuar sipas gazetave “Bild” dhe “Kyiv Independent”, që citojnë burime të shërbimeve sekrete ukrainase. Po ashtu, Kremlini pritet të përdorë bisedimet me administratën e ShBA-së që do të zhvillohen në Arabinë Saudite, si një mënyrë për të imponuar kushtet për paqen në botë.
Gjithashtu, vendet evropiane që kanë mbështetur Ukrainën, Moska pritet t’i konsiderojë “Armiq të paqes”. Nga ana tjetër, Uashingtoni dhe Kievi janë duke vijuar negociatat për shfrytëzimin strategjik të mineraleve me vlerë të Ukrainës. Një zyrtar i paidentifikuar Ukrainas tha: Bisedimet janë në zhvillim. Ka një shkëmbim të vazhdueshëm dokumentesh dhe jemi në pritje të përgjigjes amerikane.
Më herët, refuzimi që presidenti Zelensky i bëri propozimit fillestar të Shteteve të Bashkuara acaroi presidentin Donald Trump, i cili e quajti Zelenskyn “Diktator pa zgjedhje”.
Sipas “New York Post”, Zelensky nuk ka më mbështetje nga rrethi i Trupm, dhe kjo gjë mund të dëmtojë bisedimet e paqes me Putin. Gjithashtu nga i njëjti burim, Trump raportohet të jetë shprehur se për Zelenskyn dhe botën, zgjidhja më e mirë është që presidenti Ukrainas të lërë detyrën dhe të emigrojë menjëherë në Paris./tvanews