Steinmeier i habitur dhe shqetësuar!
Sunday, 02 March 2025 16:20
Presidenti gjerman, Frank-Walter Steinmeier kritikoi ashpër homologun amerikan, Donald Trump, për sjelljen e tij gjatë takimit me presidentin ukrainas, Volodymyr Zelensky, në Zyrën Ovale. Pas mosmarrëveshjeve, Trump e përzuri praktikisht Zelenskyn. Ai fajësoi presidentin ukrainas se po luan me luftën e tretë botërore dhe tha se mund të kthehet në Shtëpinë e Bardhë kur të jetë gati për marrëveshje paqësore.
Steinmeier, i njohur për qëndrimet e balancuara, kritikoi Trumpin me fjalë të qarta: “Skena në Shtëpinë e Bardhë dje më la pa fjalë. Kurrë nuk do ta kisha besuar se do të vinte një ditë kur do të na duhej të mbronim Ukrainën nga SHBA-ja”.
Ai shtoi: “Diplomacia dështon kur partnerët e negociatave poshtërohen para gjithë botës”./Bahri Cani