Musk: Linja e frontit të Ukrainës bie nëse e çaktivizoj Starlink
Elon Musk thotë se “e gjithë vija e frontit” në Ukrainë do të binte, nëse do të zgjedhtë të çaktivizonte sistemin e tij të internetit Starlink.
Terminalet Starlink kanë luajtur një rol jetik në sigurimin e komunikimeve në luftën në Ukrainë, me shumicën e pozicioneve të fushëbetejës të pajisura me terminalin e tyre.
Vitin e kaluar, Ukraina tha se rreth 42,000 terminale ishin në funksionim në të gjithë ushtrinë, spitalet, bizneset dhe organizata, transmeton Telegrafi.
Negociatorët amerikanë që bëjnë presion në Kiev për qasje në mineralet kritike të Ukrainës kanë ngritur mundësinë e ndërprerjes së qasjes të vendit në shërbim, i thanë Reuters në shkurt burime të njohura me këtë çështje.
Duke postuar në X, Musk tha se Starlink ishte “shtylla kurrizore e ushtrisë ukrainase” dhe “e gjithë linja e frontit do të shembet nëse fiket”.