Netanyahu konfirmon se Izraeli dhe Libani po bisedojnë për demarkacionin e kufirit
Izraeli ka filluar bisedimet me Libanin për demarkacionin e kufirit të tij dhe tërheqjen nga pesë postblloqe në Libanin jugor, tha të martën kryeministri Benjamin Netanyahu.
Deklarata pasoi një takim katërpalësh në Naqoura ku përfshiheshin përfaqësues nga ushtria izraelite, ShBA-ja, Franca dhe Libani, sipas zyrës së Netanyahut.
Në deklaratë thuhet se bisedimet në Naqoura rezultuan në një marrëveshje për të formuar "tri grupe të përbashkëta pune" me qëllim stabilizimin e rajonit.
Këto grupe do të fokusohen në çështje kyç, duke përfshirë tërheqjen izraelite me pesë pika nga Libani jugor, si dhe rishqyrtimin e kufirit tokësor origjinal të paraluftës midis Izraelit dhe Libanit, detajohet deklarata.
Negociatat do ta diskutojnë gjithashtu "lirimin e diversantëve të ndaluar që nga fillimi i luftës dhe të mbajtur në Izrael", thuhet në deklaratë.
“Në koordinim me ShBA-në dhe si një gjest ndaj presidentit të ri libanez, Izraeli ka rënë dakord të lirojë pesë të burgosur libanezë”, shtuan ata.