Hamasi miraton propozimin e ndërmjetësve për të rifilluar negociatat
Grupi palestinez Hamas tha të premten se ka miratuar një propozim të ndërmjetësve për të rifilluar negociatat duke liruar një ushtar izraelit me shtetësi amerikane dhe duke kthyer trupat e katër izraelitëve me shtetësi të dyfishtë.
"Delegacioni i udhëheqjes së Hamasit mori një propozim nga ndërmjetësit të enjten për të rifilluar negociatat. Lëvizja u përgjigj me përgjegjësi dhe pozitivitet, duke paraqitur përgjigjen e saj herët të premten", tha grupi në një deklaratë.
Hamasi konfirmoi se përgjigja e tij përfshinte “lirimin e ushtarit izraelit Edan Alexander, i cili ka nënshtetësi amerikane, përveç trupave të katër të tjerëve me dy shtetësi”.
Grupi përsëriti "gatishmërinë e tij të plotë për të filluar negociatat dhe për të arritur një marrëveshje gjithëpërfshirëse për çështjet e fazës së dytë", duke i kërkuar Izraelit "të përmbushë angazhimet e tij të plota"./trt