Miliona lira të sekuestruara në hetimet për korrupsion dhe t.errorizëm në Bashkinë e Stambollit
Miliona lira turke u sekuestruan nga adresat e dy figurave kryesore të arrestuar si pjesë e hetimeve për korrupsion dhe terror në Bashkinë Metropolitane të Stambollit, sipas prokurorëve të shtetit në metropolin turk.
Hetimet nga Zyra e Kryeprokurorit Publik të Stambollit ndaj kryetarit të bashkisë së Stambollit Ekrem Imamoglu dhe 99 të dyshuar të tjerë vazhdojnë pasi ata akuzohen për drejtimin e një organizate kriminale, anëtarësim në një organizatë kriminale, zhvatje, ryshfet, mashtrim të rëndë, sekuestrim të paligjshëm të të dhënave personale dhe komplot për manipulim të ofertave.
Shtatë të dyshuar, duke përfshirë Imamoglu, Zëvendës Sekretarin e Përgjithshëm të Bashkisë së Stambollit, Mahir Polat dhe kryetarin e qarkut Sisli, Resul Emrah Sahan, akuzohen gjithashtu për ndihmën e grupit terrorist PKK.
Në fushatën e saj terroriste 40-vjeçare kundër Turqisë, PKK – e listuar si organizatë terroriste nga Turqia, SHBA dhe BE – ka qenë përgjegjëse për vdekjen e mbi 40,000 njerëzve, duke përfshirë gra, fëmijë, foshnja dhe të moshuar.
Ekipet e policisë sekuestruan miliona lira gjatë kontrolleve në adresat e të dyshuarve të arrestuar Ali Nuhoglu dhe Emrah Bagdatli. Ky i fundit u paraqit si këshilltar i Murat Ongun, ndihmës i kryebashkiakut të Stambollit Imamoglu si dhe kryetar i Medya Inc., një kompani në pronësi të Bashkisë së Stambollit.
Policia ka regjistruar pamjet e sekuestrimit të parave gjatë kontrollit në adresat e dy të dyshuarve.
- Bagdatli shkoi jashtë vendit 2 javë para kërkimeve
Nuhoglu u kap nga policia me 40 milionë lira (mbi 1 milion dollarë) në shtëpinë e tij, ndërsa Bagdatli u zbulua se kishte udhëtuar jashtë vendit dy javë përpara se të kryheshin kontrollet.
Autoritetet përcaktuan se në 2022-2024, Bagdatli siguroi mbi 60 kontrata vetëm përmes Medya Inc., duke përdorur kompani të regjistruara në emrin e tij.
Për më tepër, Bagdatli u zbulua se kishte marrë shumë kontrata nga KIPTAS dhe Kultur Inc. – dy kompani të tjera të Bashkisë së Stambollit – si dhe themeloi një kompani reklamimi në emër të rreth 35 personave që punonin me të dhe kishte marrë kontrata, dhe se shumë prej këtyre kompanive ishin në të njëjtat adresa dhe bënin oferta çmimesh për të njëjtat kontrata.