Oçalan priti vizitat e para, teksa Turqia pa t*rror kalon në fazën e shpërbërjes së PKK-së
Udhëheqësi i burgosur i grupit terrorist të PKK-së, Abdullah Oçalan, pati dy vizitorë të dielën. Pervin Buldan, një ligjvënës nga Partia e Barazisë dhe Demokracisë Popullore (Partia DEM), dhe Özgür Erol, një avokat i Oçalan, udhëtuan për në burgun ishullor Imrali në Detin Marmara për ta takuar atë.
Kjo është vizita e parë te Oçalan pasi PKK njoftoi se do të shpërbëhej, sipas thirrjes së Oçalan në shkurt.
Buldan ishte pjesë e delegacionit të Partisë DEM që vizitoi Oçalan disa herë që kur nisi iniciativa për Turqinë pa terror vitin e kaluar. Devlet Bahçeli, udhëheqësi i Partisë së Lëvizjes Nacionaliste (MHP), aleate e qeverisë, ishte arkitekti i iniciativës që përfshinte një thirrje drejtuar PKK-së për të lënë armët. Muaj më vonë, PKK-ja u përgjigj me një kongres të fshehtë që përfundoi me një deklaratë shpërbërjeje më 12 maj.
Turqia është në bisedime me autoritetet në Bagdad dhe Erbil, kryeqytetin e Qeverisë Rajonale gjysmëautonome të Kurdistanit (KRG), se si terroristët e PKK-së do të dorëzojnë armët e tyre, tha Presidenti Rexhep Tajip Erdogan pas vendimit të grupit terrorist për t'u shpërbërë.
"Po zhvillohen bisedime me vendet fqinje se si do të dorëzohen armët e terroristëve jashtë kufijve tanë. Ka plane se si administratat e Bagdadit dhe Erbilit do të marrin pjesë në këtë proces", tha Erdogan, sipas një transkripti të komenteve që ai u bëri gazetarëve në fluturimin e tij të kthimit nga Shqipëria të premten./DS