Trump dënohet për shpifje, duhet te paguajë 83.3 milionë dollarë/ A e konsideroni të drejtë vendimin?
Një juri e Nju Jorkut ka vendosur që ish-presidenti amerikan Donald Trump duhet të paguajë 83.3 milionë dollarë (mbi 76 milionë euro) për shpifjen ndaj kolomunistes E Jean Carroll në vitin 2019, gjatë kohës kur ai ishte president. Caroll tha se Trumpi shkatërroi reputacionin e saj si një gazetare e besueshme duke mohuar se ai e përdhunoi. Një kolumniste këshillash për një kohë të gjatë , Carroll shkroi një histori në revistën New York në 2019 duke akuzuar Trump se e kishte sulmuar seksualisht në dhomën e veshjes së një dyqani në mesin e viteve 1990.
Trump, i cili ishte president në atë kohë, i mohoi menjëherë akuzat, duke e quajtur Carroll-in një "punë e keqe" dhe duke pretenduar se nuk e kishte takuar kurrë.
Ai do të vazhdonte të përsëriste deklarata të ngjashme në paraqitjet publike, postimet në mediat sociale dhe madje edhe në gjykatë, një model i cituar nga avokatët e Carroll gjatë gjyqit.
Carroll ngriti dy padi për shpifje lidhur me komentet e bëra nga Trump në 2019 dhe 2022, duke argumentuar se përçmimet e tij shkatërruan reputacionin e saj dhe e ekspozuan ndaj lumit të pafundem të kërcënimeve. Në gjyqin për zgjidhjen e padisë së parë të Carroll në maj 2023, një juri e gjeti Trumpin përgjegjës për shpifje dhe abuzim seksual dhe i dha Carroll 5 milionë dollarë.
Para se të fillonte gjyqi i dytë, gjykatësi vendosi se Carroll po thoshte të vërtetën për sulmin dhe se deklaratat e Trump që mohonin pretendimet e saj ishin shpifëse. Juria kishte për detyrë vetëm të vendoste se çfarë dëmi kishte të drejtë të merrte Carroll.
Dënimi në gjyqin civil është 18.3 milion dollarë (mbi 16 milionë euro) për dëmshpërblim dhe 65 milion dollarë (mbi 59 milionë euro) për dëme ndëshkuese.
Ai u zotua të apelojë vendimin e fundit, duke e quajtur rastin një gjueti shtrigash dhe vendimin “Absolutisht qesharak!”
Jurisë prej shtatë burrash dhe dy grave iu deshën më pak se tre orë për të marrë një vendim të premten pasdite
Raporton /cbsnews