Putin diskuton me Netanyahun tensionet në Lindjen e Mesme
Në telefonatën me kryeministrin izraelit, presidenti rus ka theksuar rëndësinë e mbështetjes së unitetit, sovranitetit dhe integritetit territorial të Sirisë.
Presidenti rus Vladimir Putin diskutoi sot në telefon tensionet në Lindjen e Mesme me kryeministrin izraelit Benjamin Netanyahu, tha Kremlini në një deklaratë, transmeton Anadolu.
Pala ruse përsëriti mbështetjen e saj të palëkundur për zgjidhjen e problemeve dhe konflikteve që lindin në rajon vetëm me mjete paqësore, thuhet në deklaratë.
Putin ka theksuar rëndësinë e mbështetjes së unitetit, sovranitetit dhe integritetit territorial të Sirisë, duke adresuar nevojën për të përforcuar stabilitetin e brendshëm politik të vendit duke respektuar të drejtat dhe interesat legjitime të të gjitha pakicave.
Të dyja palët kanë diskutuar gjithashtu përshkallëzimin e fundit midis Izraelit dhe Iranit, me Putinin që ka shprehur gatishmërinë e tij për të ndërmjetësuar një zgjidhje të negociuar në lidhje me programin bërthamor të Iranit.