“Krizë për ujë” Presidenti i Iranit: Do të marr në konsideratë evakuimin e vendit
Disa mesazhe drastike kanë mbuluar muret e kryeqytetit iranian, këtë të diele, kanë bërë me dije mediat vendase. “Ka mungesë uji! Është vjeshtë dhe ende nuk ka rënë shi”, shkruhet në sloganin e posterit qeveritar, brenda një ene bosh.
Sipas raportimeve, Irani po përballet me krizën më të keqe të ujit në dekada. Pa një zgjidhje që duket e pashpjegueshme dhe me autoritetet që paralajmërojnë se mund të detyrohen të evakuojnë kryeqytetin me 10 milionë banorë.
“Nuk patëm ujë për tre ditë. Presioni ishte aq i ulët sa nuk dilte asgjë”, ka thënë një banor i Iranit, për NBC News.
“Kompania e ujit thotë se duhet të blejmë pompa për të zgjidhur problemin dhe gjithashtu të marrim një rezervuar për të ruajtur pak ujë. Por kjo është e kushtueshme, veçanërisht tani kur ekonomia është e keqe”, shtoi ai.
Ndërkohë, presidenti Masoud Pezeshkian tha dy javë më parë se mund të duhet të merren masa ekstreme nëse nuk ka shi deri në fund të nëntorit.
“Edhe nëse racionojmë, nëse nuk bie përsëri shi, atëherë nuk do të kemi fare ujë”, tha ai, në një videoje të postuar në faqen e internetit.
“Ata do të duhet të evakuohen nga Teherani”, ka theksuar presidenti.