Kuaj dhe mushka në fushëbetejë, pamjet e pazakonta nga lufta në Ukrainë, rusët përdorin gjithçka
Monday, 29 December 2025 07:19
Në një luftë të dominuar nga dronët dhe robotët e blinduar me zinxhirë, bëjnë bujë pamjet e ushtarëve rusë që lëvizin në territorin ukrainas të hipur mbi kuaj ose mushka.
Një mjet luftarak që sjell ndër mend betejat e shekujve të kaluar, i zbuluar përmes një videoje të publikuar nga ushtria e Kievit, ku shihen kalorësit duke u ndjekur nga mjete ajrore pa pilot të mbushura me eksploziv.
Një përballje e pabarabartë. Në fushëbetejë përdoret çdo mjet për të fituar terren, nga teknologjitë më të avancuara deri te ato më primitive, qoftë nga mungesa e alternativave, qoftë ndoshta për të shmangur zbulimin.
