PLAS SKANDALI - Mbi 2000 britanikë ushtarë të Izraelit në gjenocidin e Gazës!
Organizata investigative britanike Declassified UK ka publikuar të dhëna të reja pas një kërkese për Liri Informacioni drejtuar Israel Defense Forces(IDF), sipas të cilave më shumë se 2,000 shtetas britanikë kanë shërbyer në ushtrinë izraelite gjatë ofensivës në Gaza. Sipas raportimit, vetëm 54 prej tyre rezultojnë si “luftëtarë të vetëm”, ndërsa pjesa tjetër kanë pasur shtetësi të dyfishtë.
Më saktësisht, këta përfshijnë 1,686 me dy shtetësi britanike-izraelite dhe 383 me tre shtetësi, në mesin e rreth 50,000 ushtarëve me shtetësi të dyfishtë në IDF.
Në të njëjtin publikim thuhet se rreth 50,000 ushtarë të IDF-së me shtetësi të dyfishtë vijnë kryesisht nga SHBA-ja, Rusia, Ukraina, Franca dhe Gjermania. Të dhënat janë bërë publike përmes avokatit izraelit Elad Man, në emër të OJQ-së Hatzlacha, duke hedhur dritë mbi përmasat ndërkombëtare të përbërjes së forcave izraelite.
Reagime ka pasur edhe nga juristë britanikë. Avokati Paul Heron nga Public Interest Law Centre (PILC) deklaroi se nuk duhet të ketë pandëshkueshmëri nëse ekzistojnë prova të besueshme që lidhin shtetas britanikë me shkelje të rënda të së drejtës ndërkombëtare. Ai theksoi se Mbretëria e Bashkuar ka detyrime të qarta për të parandaluar krimet më të rënda ndërkombëtare dhe për të mos ndihmuar në veprime të paligjshme ushtarake.
Raporti i Declassified UK ka rihapur debatin në Britani mbi përgjegjësinë ligjore të shtetasve me dy shtetësi që marrin pjesë në konflikte të armatosura jashtë vendit. Deri më tani nuk ka njoftime zyrtare për hetime penale konkrete, por deklaratat e juristëve rrisin presionin ndaj autoriteteve britanike për të shqyrtuar rastet kur ka dyshime për përfshirje në shkelje të ligjit ndërkombëtar.