Izraeli ndalon Tucker Carlson dhe i merr pasaportën - Ambasada e SHBA e quajnë kontroll rutinë
Komentatori amerikan Tucker Carlson deklaroi se ai dhe ekipi i tij u ndaluan nga autoritetet izraelite në Aeroportin Ben Gurion, pak pasi realizoi një intervistë me ambasadorin amerikan në Izrael, Mike Huckabee. Sipas Carlsonit, pasaportat e tyre u konfiskuan përkohësisht dhe një anëtar i ekipit u mor në pyetje, duke e përshkruar situatën si të pazakontë dhe shqetësuese.
Nga ana tjetër, autoritetet izraelite dhe Ambasada e SHBA-së në Izrael hodhën poshtë pretendimet për ndalim formal, duke sqaruar se bëhej fjalë për një kontroll standard të dokumenteve, si ai që u nënshtrohen të gjithë udhëtarët. Sipas tyre, nuk ka pasur as konfiskim pasaportash dhe as marrje në pyetje përtej procedurave rutinë të sigurisë. Ngjarja ka shkaktuar reagime dhe debat në media, me raportime që paraqesin dy versione të kundërta mbi atë që ndodhi realisht në aeroport.