Irani kërcënon: Asnjë litër naftë nuk do të prodhohet! - Trump paralajmëron: Do të goditen shumë më fort
Garda Revolucionare e Iranit ka paralajmëruar se nuk do të lejojë eksportin e naftës nga Lindja e Mesme nëse vazhdojnë sulmet e SHBA-së dhe Izraelit ndaj Iranit. Paralajmërimi vjen në një moment kur Ngushtica strategjike e Hormuzit është praktikisht e paralizuar, me cisterna që nuk mund të lundrojnë dhe prodhues që po ndalojnë pompimin për shkak të mungesës së transportit.
Presidenti amerikan Donald Trump reagoi duke paralajmëruar se Irani do të përballet me goditje shumë më të forta nëse përpiqet të bllokojë eksportet energjetike nga rajoni.
Tensionet kanë tronditur edhe tregjet financiare globale: çmimet e naftës janë rritur ndjeshëm, ndërsa bursat kanë shënuar luhatje të forta mes frikës për përshkallëzim të mëtejshëm të konfliktit.
Ndërkohë, sipas ambasadorit iranian në OKB, të paktën 1,332 civilë janë vrarë dhe mijëra të tjerë janë plagosur që nga fundi i shkurtit, kur SHBA dhe Izraeli nisën sulme ajrore dhe raketore në territorin iranian.