SKANDAL! Publikohen bisedat mes Lavrov dhe ministrit hungarez: “Jam gjithmonë në shërbimin tuaj!”
Regjistrime të bisedave mes Sergey Lavrov dhe Péter Szijjártó sugjerojnë se ministri hungarez ka qenë i gatshëm të avancojë interesat e Moskës brenda Bashkimit Evropian.
Në një nga telefonatat, Lavrov kërkon heqjen e sanksioneve ndaj motrës së oligarkut Alisher Usmanov, ndërsa Szijjártó përgjigjet se Hungaria, së bashku me Sllovakinë, tashmë po përgatisin një propozim në këtë drejtim. Më vonë, ajo u hoq nga lista e sanksioneve të BE-së.
Para përfundimit të bisedës, Szijjártó përmendi edhe një vizitë në selinë e re të Gazprom dhe shtoi: “Jam gjithmonë në shërbimin tuaj”.
Sipas zyrtarëve të inteligjencës evropiane, toni i këtyre komunikimeve i ngjan më shumë një marrëdhënieje “menaxher-burim” sesa një komunikimi mes dy zyrtarëve të barabartë. Gjithashtu, ka pasur raportime të mëparshme se Hungaria ka ndarë me Moskën detaje nga diskutime të mbyllura të Bashkimit Evropian.