Tronditje në Iran nga sulmet izraelite/ Mbeten 17 viktima nga goditjet ajrore, mes tyre 6 të mitur
Të paktën 17 persona kanë humbur jetën gjatë natës në sulmet ajrore mbi Iran nga Izrael dhe Shtetet e Bashkuara.
Numri më i lartë i viktimave u regjistrua në dy pallate në Ghaleh Mir, ku u vranë 13 persona, ndërsa kërkimet në rrënoja vazhdojnë për të gjetur të mbijetuar ose për të nxjerrë trupa të tjerë.
Mes viktimave janë edhe 6 fëmijë nën 10 vjeç.
Një sulm në zonat rezidenciale lindore të Teheran shkaktoi 4 të vdekur dhe 7 të plagosur. Tre banesa u shkatërruan plotësisht dhe rreth 50 ndërtesa të tjera u dëmtuan.
Sulme u regjistruan edhe mbi strukturat energjetike të Universiteti i Teknologjisë Sharif dhe mbi xhaminë universitare, duke shkaktuar ndërprerje të energjisë në zonë.
Që nga fillimi i luftës, nuk ka një bilanc zyrtar të viktimave në Iran. Pas javës së parë, autoritetet lokale raportuan 1.230 të vdekur nga sulmet ajrore, ndërsa organizata HRANA, që ka selinë në SHBA dhe kundërshton regjimin, flet për mbi 3.400 viktima, prej të cilëve rreth 1.500 janë civilë.