Izraeli mbështet vendimin e Trump për armëpushimin dy javor me Iranin, Netanyahu: Nuk përfshihet Libani
Zyra e Kryeministrit të Izraelit, Benjamin Netanyahu ka deklaruar se vendi mbështet vendimin e presidentit të SHBA-së, Donald Trump, për të pezulluar sulmet ndaj Iranit për një periudhë dyjavore, me kushte të qarta për palën iraniane.
Sipas deklaratës zyrtare, armëpushimi është i kushtëzuar nga hapja e menjëhershme e Ngushticës së Hormuzit dhe ndalimi i të gjitha sulmeve ndaj Shteteve të Bashkuara, Izraelit dhe vendeve të tjera të rajonit.
Autoritetet izraelite bëjnë të ditur se Uashingtoni i ka garantuar Tel Avivit angazhimin për arritjen e këtyre objektivave gjatë negociatave të ardhshme, të cilat pritet të përfshijnë edhe aleatët rajonalë të dy vendeve.
Deklarata thekson se qëllimet e përbashkëta të SHBA-së, Izraelit dhe partnerëve të tyre në rajon do të jenë në qendër të procesit negociator në vijim.
Ndërkohë, bëhet e qartë se armëpushimi dyjavor nuk përfshin Libanin, duke lënë të hapur mundësinë e vijimit të tensioneve në këtë front.