Turqia në ofensivë diplomatike - Fidan paralajmëron: “Izraeli mund të sabotojë armëpushimin SHBA-Iran”
Ministri i Jashtëm i Turqia, Hakan Fidan, bëri thirrje të enjten që komuniteti ndërkombëtar të jetë i gatshëm të reagojë “në mënyrë të përshtatshme ndaj akteve të mundshme të sabotimit nga Izraeli”, në sfondin e armëpushimit të shpallur së fundmi mes SHBA-së dhe Iranit.
Fidan paralajmëroi se Tel Avivi “po e zgjeron” atë që ai e cilësoi si gjenocid në Gaza edhe drejt Libanit, gjatë një konference të përbashkët për shtyp me homologun e tij sirian, Asaad Hassan al-Shaibani.
Duke theksuar se armëpushimi i përkohshëm dyjavor mes Uashingtonit dhe Teheranit mund të mos jetë i mjaftueshëm, Fidan u shpreh se ai mund të zgjatet nëse të dyja palët bien dakord.
Presidenti amerikan Donald Trump njoftoi të martën një armëpushim dyjavor me Iranin, duke deklaruar se Teherani kishte paraqitur një propozim “të zbatueshëm” me 10 pika për negociatat.
Ky njoftim erdhi më pak se dy orë përpara skadimit të një afati që Trump e kishte shtyrë disa herë, përmes të cilit i kërkohej Iranit të rihapte Ngushticën e Hormuzit dhe të pranonte një marrëveshje, ose përndryshe të përballej me shkatërrim të gjerë.