Sanders kundër Trump dhe Netanyahut: Rezolutë për ndalimin e ndihmës ushtarake amerikane ndaj Izraelit
Senatori Bernie Sanders njoftoi të mërkurën se do të paraqesë javën e ardhshme një rezolutë që synon ndalimin e ndihmës ushtarake të SHBA-së për Izraelin.
Sanders kritikoi kryeministrin izraelit Benjamin Netanyahu dhe presidentin amerikan Donald Trump për atë që e cilësoi si një “luftë katastrofike” me Iranin.
“Nuk është ndonjë surprizë e madhe. Netanyahu e bindi Trumpin të hynte në luftën katastrofike me Iranin. Ne nuk mund të lejojmë që Izraeli të vazhdojë të formësojë politikën ushtarake dhe të jashtme të SHBA-së.
Javën e ardhshme do të paraqes një rezolutë për të ndaluar ndihmën ushtarake të SHBA-së për Izraelin,” shkroi Sanders në platformën sociale amerikane X.
Disa ligjvënës amerikanë kanë kërkuar vazhdimisht që SHBA të ndalojë furnizimin me armë për Izraelin dhe të mos jetë bashkëpërgjegjëse në veprimet e tij.