Lavrov: Retorika e Macron kërcënim për Rusinë, dëshiron të njëjtën gjë si Hitleri

Saturday, 08 March 2025 11:56

• Written by /Euronews.al

Ministri i Jashtëm rus Sergei Lavrov tha sot se Rusia e konsideron retorikën bërthamore të presidentit francez Emmanuel Macron një “kërcënim”.

“Sigurisht, ky është një kërcënim për Rusinë. Ai po thërret një takim të shefave të shtabit të përgjithshëm të vendeve evropiane dhe Britanisë, duke pretenduar se është e nevojshme të përdoren armë bërthamore, duke u përgatitur për të përdorur armë bërthamore kundër Rusisë, që është, natyrisht, një kërcënim”, tha Lavrov në një konferencë për shtyp, transmeton RIA Novosti.

Ai vlerësoi se deklarata të tilla të liderit të një vendi evropian janë thjesht të papranueshme dhe paraqesin një alarm.

“Ndryshe nga paraardhësit e tij Napoleoni dhe Hitleri, të cilët gjithashtu donin të luftonin Rusinë, zoti Macron nuk po sillet me shumë hijeshi. Ata thanë drejtpërdrejt: ne duhet të pushtojmë Rusinë, ne duhet të mposhtim Rusinë dhe ai padyshim dëshiron të njëjtën gjë”, tha ministri i Jashtëm rus. 

Musk vs. Rubio: Përplasja që detyroi Trump-in të vendosë kufijtë e rinj në kabinet

Saturday, 08 March 2025 08:58

• Written by Lapsi.al

Një përplasje e paprecedentë shpërtheu në takimin e kabinetit të Trump-it mes Elon Musk dhe Sekretarit të Shtetit, Marco Rubio. Në mes të sallës së kabinetit në Shtëpinë e Bardhë, Musk e akuzoi hapur Rubio-n për mungesë agresiviteti në shkurtimin e stafit të Departamentit të Shtetit, duke e tallur se e vetmja shkarkesë që kishte bërë ishte një punonjës nga vetë ekipi i Musk-ut për “Efiçiencën e Qeverisë”.

I irrituar nga kjo ndërhyrje, Rubio i kujtoi Musk-ut se kishte bërë mbi 1,500 largime përmes paketave të daljes me dorëheqje, duke ironizuar nëse ai priste t’i rikthente në punë thjesht për t’i pushuar sërish. Përballë kësaj, Musk u tregua i papërkulur dhe e minimizoi rëndësinë e argumenteve të Rubio-s, duke e quajtur atë thjesht “të mirë në televizion”, por jo në drejtim.

Read more ...

Erdogan: Turqia nuk ka luksin të shikojë nga tribuna. Ndikohemi drejtpërdrejt nga zhvillimet në rajon

Friday, 07 March 2025 15:30

• Written by tpz

Ndërsa konkurrenca globale e fuqisë zhvillohet në rajonin tonë, Turqia ndikohet drejtpërdrejt nga çdo zhvillim dhe nuk ka “luksin ta shikojë atë nga tribuna”, tha të enjten Presidenti Recep Tayyip Erdoğan.

“Ne duhet të jemi të përgatitur për çdo skenar të mundshëm dhe të menaxhojmë dhe drejtojmë ngjarjet në rajonin tonë në një mënyrë që të përfitojë nga vendi ynë”, tha Erdogan nga Ankaraja.

Read more ...

Europa rikthen operacionin e fshehtë “Mburoja e qiellit”, 120 avionë kundër Rusisë

Friday, 07 March 2025 14:55

• Written by Lapsi.al

“The Sun" raporton se Europa dhe Britania e Madhe mund të vendosin një flotë prej 120 avionësh luftarakë për të shmangur raketat ruse dhe për të mbrojtur hapësirën ajrore të Ukrainës kundër Vladimir Putinit. Plani i mbrojtjes, i njohur si “Operacioni Mburoja e Qiellit” do të shohë avionë luftarakë nga forcat ajrore evropiane dhe ato britanike të formojnë atë që quhet “Zonë e Mbrojtjes së Integruar Ajrore” (IAPZ).

Operacioni do të drejtohet nga pilotët më të mirë nga kontinenti dhe do të funksionojë veçmas nga NATO. Objektivi do të jetë kundërshtimi i agresionit rus në Ukrainë, duke përfshirë sulmet me raketa me rreze të gjatë dhe sulmet me dronë. Zona e Integruar e Mbrojtjes Ajrore do të mbulojë 3 termocentralet bërthamore operative të Ukrainës dhe infrastrukturën kritike në krahun perëndimor të vendit duke përfshirë qytetet Odesa dhe Lviv.

Read more ...