Presidenca e Kosovës kundër gazetarit gjerman: Padi për shkrimin ndaj Osmanit?
Vjosa Osmani ka reaguar ndaj shkrimit të gazetarit gjerman Michael Martens nga Frankfurter Allgemeine Zeitung, i cili e kritikoi atë duke e përshkruar si kandidate për një mandat të dytë presidencial duke përdorur “kartën amerikane”. Këshilltari i presidentes, Rinor Nuhiu, tha se pretendimet e gazetarit përbëjnë shpifje, fyerje dhe përhapje dezinformimi, të cilat sipas tij janë të ndëshkueshme sipas ligjit gjerman dhe se Osmani i hedh poshtë kategorikisht ato, duke i cilësuar si dëmtuese për institucionin e Presidencës dhe për shtetin e Kosovës.
Nuhiu njoftoi se presidentja ka filluar konsultime me avokatë në Gjermani për të shqyrtuar të gjitha masat ligjore të mundshme me qëllim mbrojtjen e integritetit të institucionit dhe interesit të vendit. Reagimi vjen pas debatit publik që u shkaktua nga shkrimi i gazetarit gjerman, i cili pretendonte se Osmani po tenton të sigurojë një mandat të dytë duke u paraqitur si “kandidati i Donald Trump”