Takim Rama–Kurti në Prishtinë: Mesazh i fortë uniteti në prag të 17 Shkurtit?
Kryeministri i Shqipërisë, Edi Rama, zhvilloi sot një vizitë zyrtare në Kosovë, në prag të 18-vjetorit të Pavarësisë së saj, ku u prit me ceremoni solemne nga homologu i tij, Albin Kurti, në ambientet e Qeverisë së Kosovës.
Takimi ndërmjet dy kryeministrave u zhvillua rreth orës 15:00 dhe zgjati për rreth një orë, pa konferencë për media pas përfundimit të bisedimeve.
Gjatë takimit, Kurti publikoi në rrjetet sociale se bisedimet u fokusuan në marrëveshjet bilaterale ndërmjet dy vendeve, mundësitë për zgjerimin e tyre, si dhe si t’u shërbehet më mirë qytetarëve të Kosovës dhe Shqipërisë përmes bashkëpunimit ndërqeveritar dhe ndërshtetëror.
Ky takim vjen në një moment kur Kosova ka formuar qeverinë e re pas një krijimi të gjatë të saj pas zgjedhjeve, duke vendosur një bazë për bashkëpunim më të ngushtë politik dhe institucional me Tiranën.
Vizita e kryeministrit Rama përfshin gjithashtu takimin me presidenten Vjosa Osmani dhe pjesëmarrjen në aktivitete të tjera, ndërsa policia lokale ka siguruar masat e rendit dhe qetësisë gjatë zhvillimit të ngjarjeve të ditës.
Takimi u zhvillua në një atmosferë zyrtare, me qëllim thellimin e bashkëpunimit Ndërmjet dy qeverive dhe intensifikimin e marrëdhënieve Kosovë–Shqipëri, në prag të festës kombëtare të 17 shkurtit.