Ish-ambasadori holandez trondit: Gjykata Speciale u ngrit me mbështetjen e shërbimeve serbe
Ish-ambasadori i Holandës në Kosovë, Robert Bosch, u shpreh se personalisht nuk ka qenë në një linjë me krijimin e Gjykatës Speciale, duke theksuar se, sipas tij, ajo u ngrit mbi baza të kontestuara.
Bosch deklaroi se gjatë kohës kur shërbente si ambasador ishte i detyruar ta mbështeste Gjykatën Speciale për shkak të qëndrimit zyrtar të qeverisë së tij, por në plan personal kishte rezerva. Ai argumentoi se themeli i saj ishte raporti i Dick Marty, për të cilin pretendoi se ishte hartuar me mbështetjen e shërbimeve sekrete serbe dhe se akuzat për trafikim organesh në të ashtuquajturën “Shtëpia e Verdhë” në veri të Shqipërisë nuk ishin konfirmuar nga hetimet e mëparshme.
Sipas tij, misionet ndërkombëtare si EULEX dhe UNMIK kishin zhvilluar hetime dhe kishin arritur në përfundimin se nuk kishte prova të mjaftueshme për këto pretendime, megjithatë presioni i Këshilli i Evropës çoi në vijimin e procesit. Ai shtoi se hetimi në vetvete nuk është problem, por sipas tij, pasi gjyqtari Clint Williamson konstatoi se pretendimet për trafikim organesh nuk qëndronin, procesi duhej të ishte ndërprerë.
Bosch kundërshtoi gjithashtu pretendimin se UÇK ishte një organizatë kriminale, duke theksuar se ajo nuk kishte një strukturë të organizuar në atë formë. Ai përmendi edhe diplomatin amerikan Christopher Hill, për të cilin tha se kishte shprehur qëndrimin se UÇK-ja nuk ishte një organizatë e organizuar kriminale.