E FUNDIT/ Rama & Vuçiç, nismë të përbashkët për zgjerimin e BE? Paralajmërimi trondit Brukselin!
Michael Martens, gazetar i njohur gjerman dhe njohës i zhvillimeve në Ballkanin Perëndimor, ka paralajmëruar të premten se Kryeministri i Shqipërisë, Edi Rama, së bashku me Presidentin e Serbisë, Aleksandër Vuçiç, po nisin një iniciativë të përbashkët mbi zgjerimin e Bashkimit Evropian.
Martens nuk ka dhënë detaje për këtë çështje, por ka thënë se shumëkush mund të mos pajtohet me këtë nismë, derisa ka paralajmëruar se së shpejti do të publikojë artikullin për këtë temë në gazetën gjermane Frankfurter Allgemeine Zeitung (FAZ).
“Së shpejti: Një nismë e përbashkët nga Kryeministri i Shqipërisë, Edi Rama, dhe Presidenti i Serbisë, Aleksandër Vuçiç, mbi zgjerimin e Bashkimit Evropian. Ky veprim ka gjasa të tërheqë mjaft vëmendje, edhe pse shumëkush do të mos pajtohet. Më shumë së shpejti në Frankfurter Allgemeine Zeitung”, shkroi ai në llogarinë e tij në platformën X.