Reagon ambasadori i Shqipërisë: Donika Gërvalla non-grata? Ja cila është e vërteta!
Ambasadori i Shqipërisë në Kosovë, Petrit Malaj hodhi poshtë sot zërat e publikuar së fundmi në media mbi një udhëzim në lidhje me ministren e Drejtësisë së Kosovës, Donika Gërvalla.
Në një reagim për mediat, Malaj theksoi se një informacion i tillë për shpallje “non grata” nuk është i vërtetë dhe nuk mbështetet në asnjë vendim zyrtar.
Sipas tij, Ambasada e Shqipërisë në Kosovë nuk konfirmon ekzistencën e një mase të tillë, duke nënvizuar se bëhet fjalë për spekulime që qarkullojnë në media dhe që nuk kanë bazë institucionale.
“Nuk ka asnjë vendim apo udhëzim të tillë. Lajme të kësaj natyre janë hamendësime, të cilat nuk i komentojmë më tej”, është shprehur ambasadori.
Malaj nënvizoi se marrëdhëniet mes Shqipërisë dhe Kosovës mbeten të qëndrueshme dhe të konsoliduara, duke i cilësuar ato si të qarta, të forta dhe gjithëpërfshirëse, në vijim të komunikimeve të fundit mes përfaqësuesve të dy qeverive./ ATSH