AKU njofton tërheqjen nga tregu të biskotave gjermane “EnerBiO Dinkel Waffeln Natur”: Tejkalim i nivelit të mykotoksinave
Thursday, 21 May 2026 11:27
Autoriteti Kombëtar i Ushqimit njofton tërheqjen nga tregu të produktit “EnerBiO Dinkel Waffeln Natur” të cilat shiten në supermarketet “Rossmann&Lala”.
Tërheqja është bërë me kërkesë të kompanisë “Dirk Rossmann GmbH” në Gjermani dhe është marrë nga subjekti “Rossmann & Lala” në Shqipëri si masë parandaluese, pas dyshimeve për tejkalim të nivelit të lejuar të mykotoksinave.
Sipas njoftimit, produkti është tërhequr nga të gjitha pikat e shitjes, pa dallim lote apo date skadence.