Adnan Azizi pas incidentit në Qafë Thanë: “Shqipëria nuk është pronë e askujt, aq më pak e këtyre të Open Balkan”
Thursday, 09 July 2026 16:08
Deputeti shqiptar nga Maqedonia e Veriut, Adnan Azizi, ka reaguar pas incidentit në pikën kufitare të Qafë Thanës, ku ai dhe zyrtarë të tjerë shqiptarë u përballën me vonesa dhe paqartësi nga autoritetet shqiptare.
Në një reagim të shkurtër, por të fortë politik, Azizi thotë se asnjë pushtet nuk i ka trembur apo zbrapsur në vite veprimi politik.
“Nuk na ka trembur e zbrapsur asnjë pushtet e asnjë tiran. Aq më pak këta të Open Balkan”, shkruan ai.
Deputeti thekson se Shqipëria nuk është pronë e asnjë qeverie dhe se u përket të gjithë shqiptarëve, pavarësisht se kush është në pushtet në Tiranë.
“Pushtetet janë të përkohshme. Shqipëria është e përhershme. Shqipëria mbetet gjithmonë e shqiptarëve”, shkruan Azizi.