Azilet në Shqipëri kërkojnë punonjës nga Filipinet dhe Tunizia
Shqipëria po përballet me një mungesë të theksuar të fuqisë punëtore, e cila po prek edhe qendrat e kujdesit për të moshuarit. Përveç mungesës së mjekëve geriatër, qendrat private po hasin vështirësi në gjetjen e kujdestarëve vendas, kryesisht për shkak të emigracionit.
Për këtë arsye, disa prej tyre po shqyrtojnë punësimin e shtetasve të huaj, veçanërisht nga Filipinet dhe Tunizia.
Drejtues të qendrave për të moshuarit në Tiranë dhe Sauk kanë deklaruar për “Monitor” se po konsiderojnë punësimin e punonjësve të huaj për të përballuar mungesën e stafit. Megjithatë, procesi shoqërohet me vështirësi që lidhen me njohjen e gjuhës shqipe, kualifikimin profesional, procedurat e punësimit dhe shqetësimin se punonjësit mund të largohen pa paralajmërim.
Pagat për kujdestarët në qendrat e të moshuarve variojnë nga rreth 55 mijë deri në 70 mijë lekë në muaj, ndërsa shërbimet në shtëpi mund të arrijnë deri në 120 mijë lekë.
Të dhënat e Regjistrit Elektronik për të Huajt, të siguruara nga Policia e Shtetit për “Monitor”, tregojnë se deri në qershor 2026 numri i shtetasve të huaj të punësuar në Shqipëri arriti në 22.6 mijë, nga 18.1 mijë në dhjetor 2025.
Filipinasit kryesojnë listën me 3,552 leje pune, të ndjekur nga indianët me 3,423 dhe egjiptianët me 3,283. Rritja e punësimit të të huajve po shtrihet edhe në familjet shqiptare, ku shtetasit filipinas po punësohen si kujdestarë të të moshuarve, dado dhe për mirëmbajtjen e banesave