Arrestohet Romeo, heroi që shpëtoi të moshuarit nga zjarri
Monday, 04 November 2024 15:25
Romeo Mersini, heroi i muajit tetor që shpëtoi çiftin e të moshuarve nga flakët, është arrestuar nga policia e Fierit. 29-vjeçari është konfliktuar me xhaxhanë e tij për motive të dobëta dhe debati ka degraduar në përdorimin e sendeve të forta nga ana e 29 vjeçarit. Bashkë me të në pranga ka rënë edhe vëllai i tij me iniciale M. Mersini, 32 vjeç pasi ka goditur me sende të forta Romeon.
Njoftimi i policisë:
“Specialistët për Hetimin e Krimeve të Komisariatit të Policisë Fier arrestuan shtetasin R. M., 29 vjeç, banues në Fier, pasi për motive të dobëta ka goditur me sende të forta xhaxhain e tij. Për këtë rast u arrestua edhe shtetasi M. M., 32 vjeç, pasi ka goditur me sende të forta vëllanë e tij, shtetasin R. M.”
Kujtojmë se pak ditë më parë në një banesë në lagjen “15 Tetori” u përfshi nga flakët ndërsa brenda ishin dhe një çift të moshuarish. Ishte djali i të moshuarve që i vuri flakën shtëpisë me qëllim vrasjen e prindërve të tij.
Romeo Mersini hyri i vetëm brenda në shtëpinë që po digjej dhe me ndihmën e zjarrfikësve nxorri jashtë të moshuarit./JOQ