Tërhiqet gjyqtari, Gjykata e Lartë shtyn vendimin mbi rekursin e Veliajt dhe Xoxës
Gjykata e Lartë ka vendosur të shtyjë shqyrtimin e rekursit të paraqitur nga Arbër Veliaj dhe Ajola Xoxa, të cilët kundërshtojnë kontrollet e kryera në banesat dhe bizneset e tyre më 6 dhjetor të vitit të kaluar. Kontrollet u ushtruan me vendim të Gjykatës së Posaçme Kundër Korrupsionit dhe Krimit të Organizuar, pas kërkesës së SPAK.
Ndërkohë, kryetari i Bashkisë së Tiranës, Erion Veliaj, do të paraqitet më 11 mars para Gjykatës së Posaçme të Apelit, ku do të kërkojë një masë më të butë sigurie nga ajo e arrestit me burg.
Çështja e tij do të shqyrtohet nga gjyqtari Engert Pëllumbi, ndërsa vendimi në shkallën e parë u dha nga gjyqtari Erjon Bani. Veliaj është arrestuar si pjesë e një hetimi të SPAK mbi akuzat për korrupsion dhe abuzim me detyrën./EN