Përfshihet nga flakët xhamia në Shupenzë të Bulqizës, çfarë dyshohet?
Friday, 21 March 2025 13:50
Një xhami në Shupenzë të Bulqizës është përfshirë nga flakët gjatë orëve të para të mëngjesit të së premtes. Sipas policisë dyshohet se shkak mund të jetë defekt në rrjetin e instalimeve elektrike. Ndërsa policia po vijon hetimet për zbardhjen e zjarrit.
Mësohet se në kohën kur ka rënë zjarri nuk ka pasur besimtar mysliman brenda saj, por dëmet materiale janë të shumta, ku është djegur e gjithë pjesa e çatisë dhe orenditë që gjendeshin brenda xhamisë.
Në vendngjarje ka mbërritur edhe zjarrfikësja e Bulqizës, ndërkohë që autoritetet po hetojnë shkaqet e plota të rënies së zjarrit.